📌 அடிக்கடி தலைசுற்றுகிறதா?

  அடிக்கடி தலைசுற்றுகிறதா?

காரணம் ரத்த அழுத்தம் மட்டுமல்ல…

உங்கள் தலை குனிதலும் காரணமாக இருக்கலாம்!

சமீபத்தில் என் கிளினிக்கில்,

பணிமூப்பு வயதை நெருங்கும் ஒரு ஆசிரியை என்னை சந்தித்தார்.

அவரின் முக்கியப் புகார் –

“அடிக்கடி தலைசுற்றல்”

மத்திய வயதுக்கு மேல் தலைசுற்றல் என்றாலே

முதலில் நினைவுக்கு வருவது – உயர் ரத்த அழுத்தம்.

ஆனால் அவருடைய BP… முழுக்க நார்மல்!

அப்புறம் காரணம் என்ன?

அடுத்ததாக நான் கேட்ட கேள்வி:

“எப்போதெல்லாம் தலைசுற்றல் அதிகமாகிறது?”

“கழுத்தை சில குறிப்பிட்ட பொசிஷன்களில் வைத்தால்

தலைசுற்றல் அதிகமாகிறது” என்றார்.

பரிசோதனையில் கவனித்தது:

கழுத்தின் பின்புற தசைகள் இறுக்கம்

சற்று வீக்கம்

கழுத்து பின்நோக்கி வளைந்த நிலை

அவருக்கு இருந்த பிரச்சனை –

“Text Neck Syndrome”

Text Neck என்றால் என்ன?

தலையை முன்னோக்கி குனிந்து

மொபைல், நோட்புக், லேப்டாப்,

புத்தகங்கள், பரீட்சை தாள்கள்

என்று நீண்ட நேரம் பார்த்துக் கொண்டிருந்தால்…

கழுத்துத் தண்டுவட எலும்புகள்

ஜவ்வுகள் (Disc)

கழுத்து & தோள்பட்டை தசைகள்

எல்லாம் தொடர்ந்து தேய்மானமும் அழற்சியும் சந்திக்கும்.

இந்த ஆசிரியை,

மாணவர்களின் புத்தகங்களையும்

பரீட்சை தாள்களையும்

நீண்ட நேரம் தலை குனிந்து திருத்தியதால்தான்…

கழுத்து தண்டுவட எலும்பு தேய்மானம்

ஜவ்வு விலகல்

நரம்பும், மூளைக்குச் செல்லும் ரத்த ஓட்டமும்

அழுத்தப்படும் நிலை ஏற்பட்டுள்ளது.

இதன் விளைவு

கழுத்தை சில பொசிஷன்களில் வைத்தாலே

மூளைக்குச் செல்லும் ரத்த ஓட்டம் குறைந்து

தலைசுற்றல்

ஒரு முக்கியமான உண்மை தெரியுமா?

நமது தலையின் எடை – 5 கிலோ

கழுத்தை நேராக வைத்தால்

இந்த 5 கிலோ எடையை

கழுத்து எலும்புகள் சுலபமாகத் தாங்கும்.

ஆனால் தலை குனிந்தால்?

15° குனிதல் → 12.5 கிலோ

30° குனிதல் → 18 கிலோ

45° குனிதல் → 22 கிலோ

60° குனிதல் (பெரும்பாலானோர்!) → 27 கிலோ

5 கிலோ தலையை…

27 கிலோ பாரமாக

நம் கழுத்தில் ஏற்றிக் கொண்டிருக்கிறோம்!

இதை வருடக்கணக்கில் தொடர்ந்து செய்தால்?

கழுத்து எலும்புகள் தேய்மானம்

ஜவ்வு விலகல்

நரம்பு அழுத்தம்

கை/கால் வழியாக மின்சாரம் பாய்வது போல வலி

மூளைக்குச் செல்லும் ரத்த நாளம் அழுத்தம்

தலைசுற்றல்

கூடுதலாக

நுரையீரல் கொள்ளளவும் குறையும்!

என்ன செய்ய வேண்டும்?

5 கிலோ தலையை

சில கிராம் எடையுள்ள மொபைல் போனுக்குக்

கீழே கொண்டு போகாதீர்கள்

மொபைல் போனை

கண்ணின் பார்வை நேர்க்கோட்டில் வைத்துப் பாருங்கள்

அவ்வப்போது Break எடுங்கள்

கழுத்தை நேராக வைத்துக் கொண்டு

சிறு நடை போட்டால்கூட

தசைகள் ரிலாக்ஸ் ஆகும்

நாற்காலியில் அமரும்போது

முதுகு முதல் குதம் வரை

நாற்காலியின் பின்புறம் சரியாக தொட வேண்டும்

குதத்தை முன் தள்ளி வைத்து

முதுகை சாய்ப்பது

காலப்போக்கில்

கூன் & கழுத்து பிரச்சனை தரும்

மிக முக்கிய எச்சரிக்கை

தீவிர Text Neck இருப்பவர்கள்

எலும்பியல் மருத்துவர்

இயன்முறை சிகிச்சை நிபுணர்

ஆலோசனை அவசியம்.

பாதுகாப்பற்ற மசாஜ்

நெட்டி எடுப்பது

கழுத்து எலும்பு நொறுங்கி

நரம்பு பாதிப்பு

உயிர் அபாயம் கூட ஏற்படலாம்.

கவனத்தில் கொள்க:

தலைசுற்றலுக்கு

தலை குனிதலும் காரணமாக இருக்கலாம்!