சூரியனின் உச்ச ராசி மேஷம் ஒரு நபருக்கு அவரது ஜாதகத்தில் இந்த மேஷ ராசியில் சூரியன் இருக்க அந்த நபர் திடகாத்திரமான உடலை பெற்றிருப்பார். அவரது உடல், நடை, தோற்றத்தில் ஒரு கம்பீரம் இருக்கும். எதற்கும் அஞ்சாத மனதை கொண்டிருப்பார். சுறுசுறுப்பானவர்களாக இருப்பார்கள். மேஷம் என்பது போர்க்கிரகமான “செவ்வாயின்” வீடாகும். அதில் வெப்பமான சூரியன் உச்சம் பெறுவதால் சண்டை பிரியர்களாக இருப்பார்கள். அது வாய்ச்சண்டையாகவும், அடிதடி சண்டையாகவும் இருக்கலாம். பெரும்பாலும் நியாயமான காரணங்களுக்காகவே சண்டையிடுவார்கள். அதில் ஈடுபட்ட பின்பு அவ்வளவு சுலபத்தில் பின்வாங்க மாட்டார்கள். ராணுவம், காவல் துறை போன்ற பணிகளில் சேர்ந்து வீர சாகசங்கள் அதிகம் புரியும் நபர்களாக இருப்பார்கள்.
இவர்கள் அரசு பணியில் உயர் பொறுப்புகளில் இருப்பார்கள். அரசு சார்ந்த துறையில் பணியில் இருப்பார்கள். அரசு சார்ந்த துறையில் காண்ட்ராக்ட் எடுத்து செய்வார்கள். அல்லது அரசியலில் கொடிகட்டி பறப்பார்கள். இவர்கள் அரசு பணியில் இருந்தாலும் அடிக்கடி இடமாற்றம் ஏற்படும். நீதி நேர்மை உண்மை பக்கம் இருப்பார்கள் அதனாலே பலருக்கு இவர்களை பிடிக்காது. தனியார் துறையில் வேலை பார்த்தால் ஒரு இடத்தில் உறுப்படியாக வேலை பார்க்க மாட்டார்கள் அங்கேயும் பஞ்சாயத்து தான். பொதுவாக இவர்களுக்கு அடுத்தவர் முன் கைகட்டி வேலை பார்க்க பிடிக்காது.
ஜாதகத்தில் சூரியனின் சொந்த ராசியான சிம்மத்தில் சூரியன் இருந்தால் அந்த நபர் சிங்கத்தை போன்ற அஞ்சாத குணமும், அதை போன்ற ஒரு கம்பீரத்தையும் கொண்டிருப்பார். இவர்களில் பெரும்பாலானவர்களின் குரல்வளம் மிகவும் கடுமையாகவும், பிறரை அச்சமூட்டி அவர்கள் மீது ஒரு ஆதிக்கத்தை செலுத்தும் வகையில் இருக்கும். கலைத்துறையில் ஈடுபடுபவர்களுக்கு அதில் உச்சத்தை தொடும் யோகமுண்டு. அரசியலில் ஈடுபடும்போது மிகவுயர்ந்த பதவிகளை பெறும் வாய்ப்பு உண்டாகும். சமுதாயத்தில் உள்ள அனைவரின் மதிப்பு மரியாதைக்கும் உரியவர்களாவார்கள். தந்தைக்கு பெருமை சேர்க்கக்கூடிய மகனாக இருப்பார்கள்.
லக்னத்திற்கு யோகாதிபதியாக இருந்தால் அந்த திசையும் வந்தால் வீடு வண்டி வாகனங்கள் அசையா சொத்துக்கள் யோகம் அதிகமாக அமையும். அந்த சூரியன் திசை சரியான வயதில் வந்தால் இவர்களை யாரும் அசைக்க கூட முடியாது. இவர்களிடம் பேசுவதற்கு கூட பலர்கள் பயப்படுவார்கள்.
துலாம் ராசி சூரியனின் நீச்ச ராசியாகும். இந்த ராசியின் அதிபதி அசுரர்களின் குருவான “சுக்கிர” பகவானாவார். ஜாதகத்தில் இந்த ராசியில் சூரியன் இருப்பவர்களுக்கு மத்திய வயதுகளில் கண் சம்பந்தமான நோய்கள் ஏற்படும். தந்தையுடன் கருத்து வேறுபாடுகள், மனஸ்தாபங்கள் ஏற்படும். உடலாரோக்கியம் அடிக்கடி பாதிப்படையும். தீய சகவாசங்களால் பல துன்பங்களை சந்திக்க நேரும். பொருளாதார ரீதியாக பல பிரச்சனைகளையும் சந்திக்க கூடும்.
பலருக்கு சிறு வயதில் தந்தையை இழக்கவும் நேரிடும். அரசு பணிக்கு பல போராட்டம் ஏற்படும். பூர்வீக சொத்து பூர்வீக இடம் எப்போதும் பஞ்சாயத்து உண்டாகும். பங்காளி பஞ்சாயத்து பல வரும்.
No comments:
Post a Comment