தினமும் 2 லிட்டர் தண்ணீர் பருகவேண்டியது அவசியம்

 தினமும் 2 லிட்டர் தண்ணீர் பருகவேண்டியது அவசியம் என்றாலும் பலரும் செய்யும் தவறு தன்ணீரை குடிப்பதில் ஒரு ஸ்கெட்யூல் உருவாக்காமல் இருப்பதுதான்.

இதனால் நாளின் முக்கால்வாசி பகுதி தண்ணீர் குடிக்காமல் இருந்துவிட்டு, திடீர் என தாகம் எடுத்தபின் நாலைந்து டம்ளர் நீரை குடிப்போம். இதனால் நமக்கு நாளின் பெரும்பங்கு டிஹைட்ரேஷனில் கழியும், மீதமுள்ள பகுதி பாத்ரூமுக்கு ஓடுவதிலும், கிட்னிக்கு கூடுதல் சுமையை கொடுப்பதிலும் முடியும்

மிதமான டிஹைட்ரேஷனே (even mild dehydration) உங்களின் ஆற்றலை குறைத்து, தலைசுற்றல், கவனக்குறைவு மற்றும் தூக்கமாகும் உணர்வை ஏற்படுத்தும்.

நீரை நாள் முழுக்க சரியான அளவுகளில் பருகுவதை இன்றைய 1% முன்னேற்றமாக கருதி செயல்படுத்தலாம்

ஸ்டெப் 1: காலையில் எழுந்ததும் ஒரு கோப்பை நீரை பருகவேண்டும். இதனால் காலையிலேயே உடல் ஹைட்ரேஷன் ஆகும்

ஸ்டெப் 2: ஒவ்வொரு வேளை உணவுக்கு முன்பும் ஒரு டம்ளர் நீர் பருகினால், உண்ணும் கலோரிகளின் என்ணிக்கை குறையும், ஜீரணசக்தியும் அதிகரிக்கும்

ஸ்டெப் 3: நாள் முழுக்க மெதுவாக ஒரு மணிநேரத்துக்கு ஒரு முறை, ஒரு பாட்டிலில் தன்ணீரை வைத்திருந்து மெதுவாக ஸிப் செய்யலாம். இதனால் போதுமான இடைவெளிகளில் நீர் உடலுக்கு கிடைத்துக்கொண்டிருக்கும்

ஸ்டெப் 4: நண்பர் ஒருவ்ர் "எப்ப பாத்ரூம் போனாலும், அதன்பின் உடனே ஒரு டம்ளர் நீர் குடித்துவிடுவேன். இதனால் போதுமான அளவுகளில் உடலுக்கு நீர் கிடைத்துக்கொண்டிருக்கும்" என்றார். இம்மாதிரி உத்திகளும் பலனளிக்கும்

ஸ்டெப் 5: உடல்பயிற்சிக்கு முன்பு, பின்பு, பயிற்சி செய்கையில் போதுமான அளவு நீரை பருகுவது அவசியம். உடல்பயிற்சியில் வியர்வையில் உப்பு அதிகமாக வெளியேறும் என்பதால் உப்பு போட்ட லெமென் ஜூஸ் பருகுவது டிஹைட்ரேஷன் ஏற்படாமல் தடுக்கும்

இரவு உணவுக்கு பின், மாலை ஆறு அல்லது ஏழு மணிக்கு மேல் நீர் பருகுவதை நிறுத்திவிட்டால் இரவு உறங்குகையில் சிறுநீர் கழிக்க எழுந்திருக்கும் தேவை ஏற்படாது

ஆக இப்படி ஒரு ஸ்கெட்யூலை உருவாக்கினால் கிட்னிகளுக்கு சுமையின்றி, உடலுக்கு போதுமான ஹைட்ரேஷனும் கிடைக்கும். பலருக்கும் தம்மையே அறியாமல் நாள் முழுக்க களைப்பாக இருப்பதாக உனர்வார்கள். அதற்கு டிஹைட்ரேஷன் முக்கிய காரணம். உடலில் போதுமான அளவில் நீர்ச்சத்து இருப்பது தோலை அழகாக்கி, முகத்தை பொலிவாக்கி, ஜீரணம் சுறுசுறுப்பாக நடக்கவும், உள்ளுறுப்புக்களை ஆரோக்கியமாக வைத்திருக்கவும் உதவும்

நீர் பருகும் நடைமுறை ஒரு திட்டமிட்ட, சீரான முறையில் நடந்தால், அது உடல் முழுக்க உள்ள ஹைட்ரேஷனை மேம்படுத்தும், சிறுநீரக சுமையை குறைக்கும், மற்றும் ஜீரணம், தோல் மற்றும் ஆற்றலுக்கு நல்ல பலனை அளிக்கும்

மற்றபடி 2 லிட்டர் என்பது ஒரு பொதுவான பரிந்துரை மட்டுமே. உணவு, வியர்வை, உடற்பயிற்சி, குளிரூட்டும் அல்லது வெப்பமான காலநிலை போன்றவற்றை பொறுத்து உங்கள் உடலுக்கு தேவையான நீரளவு மாறுபடலாம். சிறுநீர் நிறம் கறுத்த மஞ்சளாக இருந்தால், அது டிஹைட்ரேஷனை குறிக்கலாம்.