அரகஜா எதற்கு பயன்படும்?

 

அரகஜா எதற்கு பயன்படும்?

ஒரு குறிப்பிட்ட ஒரு மைய புள்ளியை மையமாக கொண்டு தான் எல்லா சக்திகளும் செயல்படுகிறது. ஒரு மனிதன் மற்றொரு மனிதனையோ அல்லது பொருட்களையோ உற்று பார்க்கும் போது அந்த மனிதனின் கண்ணிலிருந்து வெளிப்படும் காந்த சக்திகள் magnetic vibrations அந்த பொருளை தாக்கும். இதுவே கண்தீருஷ்டி என்று சொல்கிறோம்.

உதாரணமாக, ஒருவர் புது வீடு கட்டி வருவார் அவ்வழியே செல்லும் நல்லவர் கெட்டவர் என்று அந்த வீட்டை உற்று பார்த்து சென்று வருவார்கள் அவ்வாறு நல்ல எண்ணங்கள் கொண்டவர் பார்க்கும் போது எந்த பிரச்சனையும் இல்லை ஆனால் தீய எண்ணம் கொண்ட வயிதெறிச்சல் கொண்டவன் பார்க்கும் போது அவனின் கொருற எண்ணத்தின் அதிர்வுகள் vibrations அந்த வீட்டை தாக்கும் அல்லது அந்த வீட்டின் உரிமையாளர்களைமோ உடல் நல பாதிப்புகள் உருவாகும். இதுவும் ஒரு எண்ண சக்தியின் வெளிப்பாடே. இதற்காக அந்த காலத்தில் இந்த மாதிரி புது வீடு கட்டுபவர்கள் அந்த வீட்டின் மேல் ஒரு ஆள் உயர வைக்கோல் பொம்மை செய்து வைப்பார். அவ்வாறு அந்த புதியதாக வீட்டை பார்க்கும் போது வீட்டின் மேல் கண் பார்வை செல்லாது மாறாக புதியதாக அந்த வீட்டின் மேல் வைக்கபட்டுள் வித்தியாசமான பொம்மையை நோக்கி தான் செல்லும். அதோபோல் அந்த பொம்மையினை பார்பவர்களின் எண்ணம் அந்த பொம்மையை தீயசக்தி தாக்கும். பிறகு ஒருநாள் அந்த வீட்டின் புதுமனை புகுவிழாவின் முன் நாள் நள்ளிரவில் அந்த பொம்மையை எவரும் பார்க்காத வண்ணம் தீயிட்டு கொளுத்துவார்கள். அந்த தீய சக்திகள் தீயில் கருகும்.

அதேபோல் தான் கோவிலில் உற்சவம் போது சாமி சிலைகளுக்கு அலங்காரம் செய்துவிட்டு இறுதியில் ஒரு சாமியின் முகத்தில் ஒரு சிறிய கருப்பு நிற பொட்டு கண்ணத்தில் வைப்பார்கள். இதுவும் சாமியின் அலங்காரத்தை கெடாமலும் சாமிக்கு கண்தீருஷ்டி ஏற்படாமல் இருக்கவும் இதை பயன்படுத்துவது மரபு.

இதே போல் திருமண அலங்காரம் போது மணமகன் மணமகள் கன்னத்தில் தீருஷ்டி பொட்டு வைப்பார்கள் இதுவும் ஒருவித தோஷம் குறைப்பே....

எந்தவொரு ஆலயத்தில் ஒரு சக்தி இருக்கும் அந்த இறை சக்தியை நாம் பெற, உள்வாங்க பெண்கள் கண் புருவத்தில் அல்லது ஆண்கள் சுழி மற்றும் நெற்றியில் அரகஜா வைத்து கொண்டு பிரார்த்தனை செய்தால் போதும் உங்கள் வேண்டுதால் விரைவாக நடக்கும். தினமும் நெற்றியில் வைத்து கொள்ளலாம் இதனால் எல்லாவிதமான நன்மைகள் வந்து சேரும்.

ஆகவே ஒருவரின் நல்வாழ்வு மேம்படவும் கண்தீருஷ்டி தோஷம் இல்லாமல் வாழ்வும். இறைவழிபாடுபோது இறை சக்தியை முழுவதும் பெற இந்த அரகஜா உதவும். அரகஜா பயன்படுத்தி பலனடைந்தவர்கள் ஏராளம். அரகஜா அனைவரும் வைப்பது என்பது புதிய முறை இல்லை. இது காலகாலமாக நம் முன்னோர்கள் பயன்படுத்தி வரும் முறைதான். நாம்தான் அதை பயன்படுத்த வில்லை. இன்று முதல் தொடர்ந்து 27 நாட்கள் இந்த அரகஜா பயன்படுத்தி வாருங்கள் உங்களுக்கு உண்டாகும் சிறு பிரச்சினை கண்தீருஷ்டி, காரியதடை, வியாபாரம் சரிவு, திருமண தடை, திருமணம் தள்ளிப் போகுதல், அனைத்து கைகூடும்.

ஆகவே அரகஜா என்பது அருமையான நல்ல பலன் தரும் பொருள். உங்கள் அருகில் உள்ள நாட்டு மருந்து கடைகளில் தேடி தூய அரகஜா வாங்கி பயன்படுத்துங்கள்.

(எளிமையான முறையில் தயாரிக்க வசம்பு, தர்ப்பை, வெட்டிவேர், பச்சை கற்பூரம், விரல் மஞ்சள், பூனுகு இவற்றை கொஞ்சமாக நெய் தடவி காமாட்சி விளக்கில் எரிந்து கலக்கினால் ரெடி. இது ஒருவகை. இன்னொரு வகை குப்பை மேனி, தொட்டாசுருங்கி போன்ற மூலிகைகளின் வேரை சாபநிவர்த்தி செய்து எடுத்து அதை எரிந்து செய்யும் முறை, இப்படி பல வகை உண்டு.

 

ஒவ்வொரு வீட்டிலும் கட்டாயம் இருக்க வேண்டிய சித்தரத்தை

 

 

ஒவ்வொரு வீட்டிலும் கட்டாயம் இருக்க வேண்டிய சித்தரத்தை,

சித்தரத்தை என்ற அழகான பெயரை கொண்ட இந்த தாவரம், #இஞ்சி குடும்பத்தை சேர்ந்தது. கிழக்காசிய நாடுகளில் இதனை ‘சீன இஞ்சி’ என்று அழைக்கிறார்கள். இது காரச் சுவை கொண்டது.

இந்த தாவரம் குறுஞ்செடியாக வளரும். இலைகள் நீண்டு காணப்படும். இதன் கிழங்கு இளஞ்சிவப்பு நிறத்தில் இருக்கும். காய்ந்த பின்பு அடர்ந்த சிவப்பு நிறமாக மாறும். இது மருத்துவகுணம் நிறைந்தது. நறுமணம் கொண்டது. இதில் இருக்கும் நறுமண எண்ணெய் இதன் மருத்துவதன்மைக்கு காரணமாகும்.

‘அரத்தை அறுக்காத கபத்தை யார் அறுப்பார்?’ என்ற சொல்வழக்கு ஒன்று உண்டு. அந்த அளவுக்கு தொண்டையில் சேரும் கபத்தை வெளியேற்றும் சக்தி சித்தரத்தைக்கு இருக் கிறது.

நம் உடலில் தொண்டை மிக முக்கியமான உறுப்பு. நோய்களை தடுக்கும் சுவர் போன்றது இது. அதனால் தொண்டையை நன்றாக பாதுகாக்கவேண்டும். அதற்கு சித்தரத்தை உதவுகிறது. இருமல் ஏற்படும்போது சிறு துண்டு சித்தரத்தையை வாயில் இட்டு மென்மையாக சுவைக்கவேண்டும். காரமும், விறுவிறுப்பும் கலந்த தன்மை அப்போது தோன்றும். இருமல் நின்றுவிடும்.

சிலருக்கு உடல்சூடு காரணமாகவும் இருமல் தோன்றும். அப்போது சித்தரத்தையுடன், சிறிதளவு பனங்கற்கண்டு கலந்து சுவைக்கவேண்டும். இது இருமலை போக்கும் சிறந்த மருந்து.

குழந்தைகள் இருக்கும் வீடுகளில் சித்தரத்தையை கட்டாயம் வாங்கி வைத்துக்கொள்ளவேண்டும். அவைகளுக்கு சளி, இருமல் ஏற்படும்போது, சிறிதளவு சித்தரத்தையை தூளாக்கி, அரை தேக்கரண்டி தேனில் குழைத்து கொடுக்கவேண்டும். இது எந்த பக்கவிளைவையும் ஏற் படுத்தாது. ஷீரணத்தை தூண்டும்.

சித்தரத்தை சிறந்த மணமூட்டி. சிறு துண்டை வாயில் இட்டு சுவைத்தால், வாய் நாற்றம் நீங்கும். ஈறுகளில் உள்ள நோய்த்தொற்றும் சீராகும். சிலருக்கு வாகனங்களில் பயணம் செய்யும்போது, வாந்தி ஏற்படும். அந்த தொந்தரவு இருப்பவர்கள் பயணம் செய்யும்போது சிறு துண்டு சித்தரத்தையை வாயில் இட்டு சுவைத்துக்கொண்டிருந்தால் வாந்தி வராது. வயிற்றை புரட்டுவது போன்ற அவஸ்தைகளும் ஏற்படாது. முற்காலத்தில் கப்பலில் பயணம் செய்கிறவர்கள் சித்தரத்தையை சுவைக்கும் பழக்கத்தை கொண்டிருக்கிறார்கள்.

வாயு கோளாறு, இருமல், தலைவலி, காய்ச்சல், வாந்தி, சுவாச கோளாறுகளுக்கு இது நல்ல மருந்து. மேற்கண்ட பாதிப்பு கொண்டவர்கள் 10 கிராம் சித்தரத்தையை நன்கு இடித்து 200 மி.லி. நீரில் கொதிக்க வைத்து வடிகட்டி பருகவேண்டும். இதற்கு வலியை நீக்கும்தன்மையும் உண்டு. மூட்டுகளில் ஏற்படும் இறுக்கத்தை சீராக்கும். தசை பிடிப்பை நீக்கும். மூட்டு வலி, வீக்கம் இருப்பவர்கள் சித்தரத்தையை இடித்து, கஞ்சியில் கலந்து சாப்பிடவேண்டும்.

தொற்று நோய் காரணமாக ஏற்படும் காய்ச்சலுக்கு 10 கிராம் நிலவேம்பு இலையுடன், 10 கிராம் சித்தரத்தையை சேர்த்து, 200 மி.லி. நீரில் கலந்து கொதிக்கவைத்து வடிகட்டி பருகவேண்டும். உடல் வலி குறையும், நன்கு பசி எடுக்கும்.

குழந்தைகளை குளிக்கவைத்து தலைதுவட்டிய பின்பு, சிறிதளவு சித்தரத்தை தூளை அவற்றின் தலை உச்சியில் தேய்த்தால் சளி பிடிக்காது.

குழந்தை பெற்ற பெண்களுக்கு வழங்கப்படும் பிரசவ லேகியத்தில் சித்தரத்தை சேர்க்கப்படு கிறது. சுவாச நோய்களுக்கான மருந்துகள், இருமல் மருந்துகள், வலி மற்றும் ஷீரண நோய்களுக்கான மருந்துகளில் சித்தரத்தை சேர்க்கப்படுகிறது.

சித்தரத்தை குறுஞ்செடிகளை எளிதில் வீடுகளில் தொட்டிகளிலேயே வளர்க்கலாம். இதன் பூக்கள் மிக அழகாக இருக்கும். செடியில் நறு மணம் வீசும். இதன் கிழங்குகளை சீவி, காய்கறிகளை கலந்து சூப்பாக தயார் செய்து பருகும் வழக்கம் கிழக்காசிய நாடுகளில் உள்ளது. சாலட்டாக தயார் செய்தும் சாப்பிடுகிறார்கள்.

10 கிராம் அளவுக்கு கிழங்கை எடுத்து, அரைத்து, எலுமிச்சம்பழ சாற்றில் கலந்து, தேனும் சேர்த்து சாப்பிட்டால் இருமல் குறையும். பற்களும் பளிச்சிடும்.

சித்தரத்தை, சித்தரத்தை தூள், சித்தரத்தை கிழங்கு போன்றவை நாட்டு மருந்து கடைகளில் கிடைக்கும். ஆயுர்வேத வைத்தியர்கள் இதை கபம், வாதம், வீக்கம், இழுப்பு, இருமல், காய்ச்சல் போன்றவைகளுக்குப் பயன்படுத்துவார்கள் என்றாலும் நெஞ்சிலுள்ள கபத்தை வெளியேற்றுவதில் திறன் மிக்கது.

சாதாரண ஜுரம் மற்றும் சுவாச பாதிப்புகள் விலக, சில துண்டுகள் சித்தரத்தையை தூளாக்கி அத்துடன் அதே அளவு கற்கண்டைக் தூளாக்கி இவற்றை, ஒன்றாகக் கலந்து வைத்துக்கொண்டு, அதில் சிறிதளவு தினமும் பாலில் கலந்து பருகிவர, ஜுரம் மற்றும் சுவாச பாதிப்புகள் யாவும் விலகிவிடும்.

ஆஸ்துமா குணப்படுத்த :சிலர், இரைப்பு இருமல் எனும் ஆஸ்துமா பாதிப்பால், மூச்சடைக்கும் வேதனையை அடைவார்கள். அவர்கள், சித்தரத்தை, அதிமதுரம், தாளிசபத்திரி, திப்பிலி மற்றும் மிளகு ஆகிய மூலிகைகளை இலேசாக வறுத்து, அரைத்து பொடியாக்கி வைத்துக்கொண்டு, தினமும் இதில் சிறிதளவு எடுத்து, தேனில் குழைத்து சாப்பிட்டுவர, பாதிப்புகள் விரைவில் நீங்கிவிடும்.

எலும்புகள் பலம் பெற :இந்த பாதிப்புகள் யாவும் நீங்க, நன்கு உலர்ந்த சித்தரத்தை மற்றும் அமுக்கிரா கிழங்கை எடுத்து இடித்து தூளாக்கிக்கொண்டு, இந்தப்பொடியை சிறிது தேனில் குழைத்து தினமும் இருவேளை என ஒரு மண்டலம் என்ற கால அளவில், நாற்பத்தெட்டு நாட்கள் சாப்பிட்டு வர, வெகுநாட்களாக துன்பமளித்த வலிகளின் பாதிப்பு குறையும். எலும்புகளின் ஆற்றல் மேம்படும்.

உலர்த்தி சிறு துண்டுகளாக வெட்டிய ஒன்றிரண்டு சித்தரத்தையை, மூன்று தம்ளர் தண்ணீரில் இட்டு கொதிக்கவைத்து, தண்ணீர் மூன்றில் ஒரு பங்காக சுண்டிவரும் வேளையில், நீரை எடுத்து வைத்துக் கொண்டு, தினமும் இருவேளை, சில நாட்கள் தொடர்ந்து பருகிவர, வறட்டு இருமலை தணிக்கும்.

சித்தரத்தை கோழை, கபத்தை அகற்றும். உடல் வெப்பத்தை அகற்றும். பசியை தூண்டும்.

மணம் தருவதும், செரிமான ஊக்கியாகவும் செயல்படுவதுமான சித்திரத்தை பன்னெடுங் காலமாகத் தென்னாட்டில் பயன்படுத்தப்பட்டு வருகின்ற ஒரு மூலிகையாகும். சித்த ஆயுர்வேத வைத்தியர்கள் இதை கபம், வாதம், வீக்கம், இழுப்பு, இருமல், காய்ச்சல் போன்றவைகளுக்குப் பயன்படுத்துவார்கள் என்றாலும் நெஞ்சிலுள்ள கபத்தை வெளியேற்றுவதில் திறன் மிக்கது. நுரையீரல் நுண்குழாய்களை விரிவடையச் செய்து மூச்சு எளிதாக வரச் செய்வதுடன் இக்குழாய்களிலும், மூச்சுக்குழல் மற்றும் தொண்டையிலும் உள்ள சளியை வெளியேற்றுகிறது.

ஒரு காலத்தில் தென்னாடு எங்கும் எல்லா வீட்டு மருந்துப் பெட்டிகளிலும் சித்தரத்தை இடம் பெற்றிருந்தது. கபம் சளி போன்றவை மட்டுமின்றி எல்லாவிதமான மூச்சுக்குழல் தொடர்புடைய நோய்களுக்கும் இது சிறந்த மருந்தாகும். கக்குவான் இருமல் உள்ள குழந்தைகளுக்கு சித்தரத்தையை அரைத்து தேனில் குழைத்துக் கொடுக்க இருமலின் தாக்கமும் இழுப்பும் குறைந்தது.

சித்தரத்தை ஒரு சிறந்த மணமூட்டியாக இருப்பதால் இதை வாயிலிட்டுச் சுவைக்க வாய் நாற்றம் மறையும். இதன் நறுமணம் காரணமாக இதைப் பல வகை ஆயுர்வேத மருந்துகளில் சேர்ப்பதுண்டு

தாய் மாமன் உறவு என்பது

 தாய் மாமன் உறவு என்பது வெறும் ரத்த பந்தம் மட்டுமல்ல –

அது பாசத்தாலும், பொறுப்பாலும் பிணைக்கப்பட்ட ஓர் ஆழமான உறவு.

தாய் மாமனின் கடமைகளும், அன்பும்

ஒரு பெண்ணின் வாழ்க்கையில் தாய் மாமனுக்கு தனி இடம் உண்டு.

ஒரு குழந்தையின் பிறப்பிலிருந்து,

காது குத்து

மொட்டை

பூப்புனித நீராட்டு விழா

எனப் பல முக்கிய நிகழ்வுகளில் தாய் மாமனின் பங்கு இன்றியமையாதது.

மிகவும் முக்கியமாக,

ஒரு பெண்ணின் திருமணத்தில்,

மாங்கல்யச் சரடு எடுத்துத் தருவது,

சீர்வரிசை செய்வது

என பல சடங்குகளில் தாய் மாமன் முன்னிலை வகிக்கிறார்.

தன் சகோதரியின் பிள்ளைகளை,

தன் சொந்த பிள்ளைகளாகவே கருதி,

அவர்களுக்குத் துணையாகவும்,

அன்பான வழிகாட்டியாகவும் திகழ்கிறார்.

தன் குடும்பம் மட்டுமல்லாமல்,

தன் சகோதரியின் குடும்பத்தின் நலனுக்காகவும்,

மகிழ்ச்சிக்காகவும்,

தான் என்ன செய்ய முடியுமோ அதைச் செய்யத் தயங்குவதில்லை.

தாய் மாமன் உறவின் முக்கியத்துவம்

தமிழ்ச் சமூகத்தில், தாய் மாமனின் உறவுக்குக் கொடுக்கப்படும் முக்கியத்துவம் தனித்துவமானது.

இந்த உறவு, தலைமுறை தலைமுறையாகத் தொடர்ந்து வரும் பிணைப்பு.

இது வெறும் சடங்குகளுக்காக மட்டுமல்ல –

அது பாசத்தின் வெளிப்பாடாகவும்,

அரவணைப்பின் அடையாளமாகவும் உள்ளது.

இன்று நம்மால் செய்யக் கூடிய சிறு நன்றி

இன்று தாய் மாமன் தினத்தை முன்னிட்டு,

உங்கள் தாய் மாமனுக்கு

வாழ்த்துகளைத் தெரிவிக்கவும்

அவரது அன்புக்கும், அர்ப்பணிப்புக்கும் நன்றி சொல்லவும்

ஒரு அழைப்பு, ஒரு செய்தி, அல்லது ஒரு சிறு பரிசு…

அவர் முகத்தில் வரும் ஒரு சிரிப்பு…

உங்கள் நெஞ்சத்தை நெகிழவைக்கும்!

தாயின் பாசத்துடன் நம்மை தீண்டும் அந்த நிழல் மரத்துக்கு – நன்றி, தாய் மாமா!

கனிகள் உண்ணப் பிணிகள் தீரும்

 கனிகள் உண்ணப் பிணிகள் தீரும்

**************************************

எலுமிச்சை ராஜகனி

************************

மங்கல கனி மத்திர கனி திருஷ்டி கனி செம்பு சத்து அதிகம் குளிர்ச்சியானது உடல் சூடு தணியும் பித்தம் குறையும் விட்டமின் சி அதிகம் சோர்வு தீரும் சுறு சுறுப்பு தரும் இரத்த சுத்தி கிருமிநாசினி லெமன் சாறு தேன் கலந்து சாப்பிட பற்பல பிணிகள் போகும்.

தக்காளி.

***********

விட்டமின் b12 தக்காளி ரசம் உடலுக்கு நல்லது தக்காளி ஜூஸ்சாப்பிட தோல் நன்றாக இருக்கும். தக்காளி சூப் உடலுக்கு தெம்பு தக்காளி பச்சடி ஜாம் சுவை மிகுந்தது எலும்பு வளர்ச்சி பல் உறுதி ரத்த சுத்தி.

வெள்ளரிப்பழம்.

*****************

சூடு குறையும் அரிப்பு வெள்ளை வெட்டை போகும் .

வில்வபழம் .

*************

எந்தவித நோயையும் குணப்படுத்தும் ஆஸ்துமா குணமாகும் மலடு நீங்கும் நினைவாற்றல் பெருகும் வாய்ப்புண் குடலற்புண் தீரும் .

ஆப்பிள் .

*********

தினமும் ஒரு பழம் சாப்பிட இளமை அழகு தரும் குடல் நோய்கள் தீரும் சகல விட்டமின்களும் உண்டு .

ரத்த சுத்தி Liver Tonic .கற்கள் கரைக்கும் இரைப்பை அமில நீக்கி .வலிப்பு வாதம் போம். இதய நிவாரணி .

பேரிச்சை .

*************

மாதவிலக்கு தடைபடாது கண் ஒளிபெறும் இரும்பு சத்து சுண்ணாம்புச் சத்து மிக்கது ஆண்மைக் குறைவை நீக்கி வீர்ய சக்தி உண்டாகும் பற்கள் உறுதி நோய் எதிர்ப்பு சக்தி.

திராட்சை .

**********

ரத்த சுத்தி. உள் வெளி உறுப்புகள் பலப்படும் .தோலை பாதுகாக்கும். ஜீரண சக்தி மிக்கது. குடற் புண் தீரும். வாயுக்கோளாறு நரம்புத் தளர்ச்சி குணமாகும் முக வசீகரம் வைட்டமின் சி ரத்த விருத்தி இதய பலம்.

நாவல் .

*******

குளிர்ச்சி தரும் .ரத்த மூலம் குணமாகும் .நீரிழிவுக்கு நல்ல மருந்து. கருப்பை கோளாறு குணமடையும். வைட்டமின் a நீரிழிவு நிவாரணி.

நேற்றைய தொடர்ச்சி.

கனிகள் உண்ணப் பிணிகள் தீரும்.

அன்னாசி.

************

சூடு .ஆரம்பநிலை கருவை கலைக்கும். ரத்த சுத்தி. ரத்தவிருத்தி. பித்தம் தணியும். தேனில் சாப்பிட ஈரல் பல படும் .ஆண்மை குறைவிற்கு பாலில் சேர்த்து சாப்பிடவும். கபம் போம் .களைப்பும் போகும். வைட்டமின்-சி குடற்புழுக்களை அளழிக்கும் .கண் நோய் குணமாகும் இடுப்பு வலி போகும். கழிவகற்றி புழு நீக்கி. மலமிளக்கி. ஈரல் வலுப்பெறும் .

விளாம்பழம்.

***************

சர்க்கரை சேர்த்து சாப்பிடவேண்டும் பித்தம் வாந்தி மயக்கம் தீரும். தோல் நோய் தீரும். ரத்த சுத்தி நினைவாற்றல் தரும். எலும்புகள் பலமடையும். வைட்டமின் ஏ ஜீரணசக்தி இதயம் பலம். மூலம் போக்கி, நரம்பு சக்தி, வீர்ய விருத்தி.

மாதுளை .

***********

நல்ல ஜீரணசக்தி ,புளிப்பு மாதுளையால் வாந்தி போகும், கருவில் வளரும் குழந்தை ஆரோக்கியத்துடன் வளரும், ரத்த சுத்தி ,ஆண்மைக்கு நல்லது ,தேனுடன் சாப்பிட மேனி அழகும் ,வைட்டமின் ஏ ,இதய வலி வயிற்று புண் தீரும். நீரிழிவு மூலம் போம் .மலடு நீங்கி.

மாம்பழம் .

***********

விட்டமின் ஏ, ரத்தசுத்தி ,சூடு ,பால் சர்க்கரை கலந்து சாப்பிட நரம்புத் தளர்ச்சி மூட்டுவலி போகும் ,கண்னொளி பெருகும்,

பப்பாளி .

**********

விர்யசக்தி, ரத்தவிருத்தி ,விட்டமின் ஏ ,சூடு ,கண் பார்வை தெளிவுபெறும் ,தோல் நோய்களை தடுக்கும் ,சிறுநீரக கற்களை கரைக்கும், ஜீரணசக்தி மாதவிலக்கு கோளாறு போக்கும், நோய் அணுகாது நச்சுக் கிருமிகளைக் கொள்ளும் ஆற்றல் உடையது ,ஜீரண காரி லிவர் டானிக், புண் ஆற்றி

வாழைப்பழம் .

****************

விட்டமின் ஏ, இரும்பு சுண்ணாம்பு சத்து ,ஆண்மை விருத்திக்கு செவ்வாழை ,சூடு தணிய மலைவாழை ,

வீர்ய சக்தி பெற ரஸ்தாளி ,மலமிளக்கிக்கு பூவன் வாழைப்பழம், மூல நோயாளிக்கும் ஏற்றது ,பஞ்சாமிர்தம் நல்ல டானிக் சுவைத்து உன்ன சளி உண்டாகாது.

பலாப்பழம்.

*************

தேன் கலந்து சாப்பிட சுவை மிகவும். சுண்ணாம்பு இரும்பு சத்துடையது. குங்குமப்பூ கலந்து சாப்பிட உயிர் சக்தி உண்டாகும் .கக்குவான் இருமல் போம் கழிவு நீக்கி வீர்ய விருத்தி ,எரிவு போக்கி .

ஆரஞ்சு .

*********

தேன் கலந்து சாப்பிட உடல் தேறும், நோயாளிக்கு உயிர் போன்றது ,உள்ளுறுப்பு சூடு தணியும் ,விட்டமின் சி நோய் எதிர்ப்பு சக்தி உடையது ,ரத்த சுத்தி, தினமும் சாப்பிட கண் நோய்கள் வராது ,மூளைக்கு நல்ல பலம் ,இரவில் சாப்பிட நல்ல தூக்கம் வரும் ,காலையில் சாப்பிட குடல்புண் குணமாகும், கால்சியம் ,நுரையீரல் சுத்தி.

ஊக்க டானிக்.

நெல்லிக்கணி

****************

இதய நோய் சிறந்தது. வாந்தி பேதி போம்.இரத்த சுத்தி, கண்நோய்கள் குணமாகும் ,குடல் கழிகவற்றி ,முப்பிணி சமன் ,குளிர்ச்சி ,கருப்பை நோய் போகும் ,வைட்டமின்-சி இளமைப் பொலிவு கூடும்! நீரிழிவு நோய் தீர,பல் ஈறு பாதுகாப்பு ,தோல் பாதுகாப்பு .

************************************************

*ஆவணி அவிட்டம் திருநாள்* *பூணூலின் உண்மையான மகிமை*

 *ஆவணி அவிட்டம் திருநாள்* *

பூணூலின் உண்மையான மகிமை*

*ஆகஸ்ட் 9, ஆவணி அவிட்டம்*

‘புது பூணூல் போட்டாச்சா?’ என்று கேட்கையிலேயே, அது ஆவணி அவிட்டப் பண்டிகையென்று சிறு குழந்தைகள் கூட சொல்லிவிடும். பூணூல் அணியும் வழக்கமுள்ள இந்துக்களான அந்தணர், வைசியர்கள், சமணரௌகள், விஸ்வகர்மா போன்றவர்கள் ஆவணி அவிட்டப் பண்டிகையன்று, பழைய பூணூலை மாற்றி புதுப் பூணூல் அணிவார்கள். ஆவணி அவிட்ட பண்டிகை கிராமப்புறங்களில் ஆற்றங்கரைப் பக்கத்திலும், நகரங்களில் கோயில்கள், பொது மண்டபங்கள் மற்றும் வீடுகளில் நடைபெறும்.

ஆவணி அவிட்டம் கொண்டாடும் காலம்: ரிக் வேதம் பின்பற்றுவர்கள், ஆவணி மாத திருவோண நட்சத்திரத்திலும், யஜுர் வேதத்தினர் ஆவணி மாத பௌர்ணமியிலும், சாம வேதக்காரர்கள், ஆவணி மாத அஸ்த நட்சத்திரத்திலும் ஆவணி அவிட்டம் கொண்டாடுவார்கள். கேரளாவிலும், குஜராத்திலும் அதர்வண வேதத்தினர் இதனைக் கொண்டாடுகின்றனர்.

சாம வேதத்தைப் பொறுத்தவரை மந்திரங்கள் அதிகம். எருக்க இலையில் அரிசி வைத்து நீரில் தர்ப்பணம் செய்வார்கள். தேவ, ரிஷி, பிதுர் ஆகிய பல்வேறு தர்ப்பணங்கள் செய்து, வேள்வி வளர்த்து, கும்பம் வைத்து பூஜை செய்வார்கள். வடமொழியில் ‘அத்யயனம்’ என்றால் கல்வி. வேதம் பற்றிய கல்வியை உபகர்மா அல்லது ஆவணி அவிட்டம் என்பார்கள். உபகர்மா எனும் வேதத்தைத் தொடர்ந்து சொல்லி வந்தால், மந்திரத்திற்கு பலன் அதிகமாகும்.

தலை ஆவணி அவிட்டம்: சிறு வயதில், முதன் முதலில் பூணூல் அணிவித்து பிரம்மோபதேசம் செய்யப்பட்ட சிறுவர்களுக்கு, அதன் பிறகு வரும் ஆவணி அவிட்டம் ‘தலை ஆவணி அவிட்ட’மாகும். அன்று சிறுவர்களுக்கு பட்டம் கட்டி விசேஷ மந்திரங்களைக் கூறி ஆசீர்வதிப்பது வழக்கம்.

காஞ்சி பெரியவர் பூணூல் மாற்றுவது குறித்து கூறிய சில செய்திகள்:

பூணூலை வருடம் ஒரு முறை ஆவணி அவிட்டம் அன்று மட்டும் மாற்றுவது சரி கிடையாது. மாதந்தோறும் பூணூலை மாற்றுவது அவசியம். அதாவது, அமாவாசை தர்ப்பணம் செய்கையில் மாற்றி விடவேண்டும். தீட்டுப் பட்டால் மாற்ற வேண்டும். அதேபோல், வீட்டில் குழந்தை பிறந்து 11ம் நாள் புண்ணியாஜனமன்று பூணூல் மாற்றுதல் அவசியம். துக்கம் விசாரிக்க சென்று வந்தால் பூணூலை மாற்ற வேண்டும். பூணூல் என்பது காயத்ரி மந்திரம் செய்தது. வெறும் நூல் கிடையாது. உடம்பை ரட்சிக்கும் புனித நூலாகிய பூணூலை, மறந்தும்கூட முதுகு சொறியப் பயன்படுத்துவது கூடாது.

ஆவணி அவிட்டம் தர்ப்பண பலன்கள்: ரிஷிகள், தேவர்கள் மற்றும் முன்னோர்களது ஆசிகள் கிடைக்கும். சரஸ்வதி கடாட்சம் ஏற்படும். தீய சக்திகள் அண்டாது. உடல் தேஜஸுடன் விளங்கும். முன்னோர்களின் ஆத்மா சாந்தியடையும்.

காயத்ரி ஜபம் (மந்திரம்) விபரங்கள்:

ஆவணி அவிட்டத்திற்கு மறுநாள் வருவது காயத்ரி ஜபம். வேதங்களின் தாய் காயத்ரி எனக் கூறப்படுகிறது.

‘ஓம் பூர்: புவ: ஸுவ:

தத் ஸவிதுர் வரேண்யம்

பர்கோ தேவஸ்ய தீமஹி

தியோ: யோந: ப்ரசோதயாத்’

என்கிற சக்தி வாய்ந்த மந்திரமாகிய காயத்ரி ஜபத்தை, சங்கல்பம் செய்த பின்னர் 108 அல்லது 1008 முறைகள் உச்சரித்து ஜபம் செய்ய வேண்டும். மேலும், இதை தினமும் சூரிய நமஸ்காரத்திற்குப் பின்னும் செய்யலாம்.

அசல்பதிவேற்றியவருக்கு நன்றி.

காயத்ரி ஜபம் செய்கையில், மோதிர விரலின் இரண்டாவது கணு தொடங்கி கீழ் நோக்கி வந்து சுண்டு விரலின் முதல் கணு வரை மேல் நோக்கி சென்று, ஆள்காட்டி விரலின் அடிக்கணு வரை வந்தால் பத்து எண்ணிக்கை வரும். ஒவ்வொரு பத்தாக எண்ணி 108, 1008 எனச் செய்யலாம். முத்து, பவளம் போன்ற மாலைகளை கைகளால் உருட்டியவாறும் எண்ணலாம்.

காயத்ரி மந்திரத்தில் சக்தி வாய்ந்த பத்து பதங்கள் உள்ளன. அவை: 1. தத், 2. ஸவிது, 3. வரேண்யம், 4. பர்கோ, 5. தேவஸ்ய, 6. தீமஹி, 7. தியோ, 8. யோ, 9. த:, 10. ப்ரசோதயாத் ஆகியவையாகும்.

காயத்ரி ஜபம் செய்வதின் மூலம் முகத்தில் அமைதி தவழும், எடுத்த காரியத்தை தடங்கலின்றி முடிக்க முடியும், நோய்கள் நம்மை அண்டாது, நினைத்தது நடக்கும். ஆவணி அவிட்டமும், காயத்ரி ஜபமும் ஆண்களுக்குரிய பண்டிகைகள் என்றாலும், வீட்டுப் பெண்களும் இதில் ஈடுபாட்டுடன் அமர்க்களமாக ஸத்தி விருந்து தயாரித்து சிறப்பாகக் கொண்டாடுவார்கள்.

சுனை நீரை குடிப்பவர்கள் சாகாவரம் பெறுவர்

 எதிர்காலத்தில் மனிதன் இறக்காமல் இருப்பதற்கான தொழில்நுட்பங்கள் கண்டுபிடிக்கப்படுமா? இது பலரின் கேள்வி. என்னைப் பொறுத்தவரை மரணம் ஒரு வரம். மரணம் பெருங்கருணை. உண்மையில் மரணம் துன்பங்களில் இருந்து விடுதலை, நான் மரணத்தை எண்ணி என்றும் கலங்கியதே இல்லை அதை எந்த நேரத்திலும் வரவேற்க காத்துக்கொண்டிருக்கின்றேன். ஆனால் மரணம் தான் என்னைக் கண்டு பயப்படுகிறது

சரி உங்களுக்காக ஒரு கதை இது ,இந்த கதையை வாசித்தபின் முடிவிற்கு வாருங்கள்

அலெக்சாண்டர் இந்தியாவுக்கு செல்லுமுன் இந்திய ஞானத்தைப் பற்றியும், ஞானிகளைப் பற்றியும் அதிசயங்களைப் பற்றியும் கேள்விப் பட்டிருந்தார்.

அதில் ஒன்று, வட இந்தியாவில் ஏதோ ஒரு குகையில் ஒரு சுனை இருப்பதாகவும், அந்த சுனை நீரை குடிப்பவர்கள் சாகாவரம் பெறுவர் என்பதுமாம்.

அலெக்சாண்டர் இந்தியாவிலிருந்து திரும்புவதற்கு முன் மிகுந்த பிரயத்தனத்திற்கு பின் அந்த குகையைக் கண்டுபிடித்தும் விட்டார்.

படைகளை பின்னே நிறுத்தி விட்டு அலெக்சாண்டர் மட்டும் முன்னேறி குகைக்குள் சென்றார். அது நீண்ட ஒரு குகை. குகையின் இறுதியில் சிறியதாக ஒரு சுனை இருப்பதைக் கண்டார். தண்ணீர் தெளிவாக சலனமற்று இருந்தது. அருகில் சென்றார். குனிந்தார். கவனமாக இரு கைகளையும் குவித்து தண்ணீரை அள்ளினார்.

என்ன ஒரு அற்புதம்.

இனிமேல் சாவில்லை. உலகம் முழுதும் செல்லலாம், உலகத்தை வெல்லலாம். மரணத்தை வென்றுவிட்டேன்.

அப்பொழுது ஒரு குரல் கேட்டது. தலையை நிமிர்த்திப் பார்த்தார். எதிர்க்கரையில் மிகவும் சோகமான தோற்றத்துடன் ஒரு காகம் அமர்ந்திருந்தது. அது பேசியது.

"ஒரு நிமிடம்…"

அலெக்சாண்டருக்கு ஆச்சரியம்.

காகம் தொடர்ந்தது.

"ஒரு நிமிடம்…அந்த நீரைப் பருகுவதற்கு முன் என் கதையைக் கேளுங்கள். நானும் உங்களைப் போல்தான்…சில நூறு வருடங்களுக்கு முன் ஒரு நாள் மிகுந்த ஆசையுடன் இந்த நீரைப் பருகினேன். இந்த உலக சுகங்களை ஆசை தீர அனுபவித்தேன். இனி பார்க்க வேண்டியது எதுவும் இல்லை. அனுபவிக்க வேண்டியது எதுவுமில்லை. எல்லாம் அலுத்து விட்டது. என்னுடன் இருந்த உறவினர்களும் நண்பர்களும் இறந்து பல ஆண்டுகள் ஆகி விட்டது. எனக்கு என்று எவரும் இல்லை. எனக்கு வாழவும் பிடிக்கவில்லை. இந்த நீரைப்பருகி சாகா வரம் பெற்று விட்டதால் இறக்கவும் முடியவில்லை. வாழ்க்கை மிகவும் நரகமாகி விட்டது. இந்த நிலை யாருக்கும் வரக்கூடாது என்றுதான் நான் இங்கேயே அமர்ந்திருக்கிறேன். உன்னைப் போன்று யாராவது எப்பொழுதாவது வருவாராயின் அவர்களை எச்சரிக்கிறேன். இனி உன் விருப்பம்" என்று முடித்தது.

அலெக்சாண்டருக்கு ஒரே குழப்பம். கண்களை மூடி சில நிமிடங்கள் யோசித்தான். இறுதியில் அந்தக் காகம் சொல்வதில் உள்ள நியாயம் புரிந்தது. மரணத்தின் தெளிவு பிறந்தது. உண்மையில் மரணம் என்பது கொண்டாடப்படவேண்டிய ஒன்று. மானுடப் பிறவியின் துன்பங்களில் இருந்து விடுதலை இறவனின் அடியில் பேரானந்தம்