உலர் திராட்சை யார் சாப்பிடலாம்? யார் சாப்பிடக்கூடாது..?
உலர் திராட்சையில் வைட்டமின்கள், மினரல்கள் மற்றும் ஆன்ட்டி ஆக்சிடென்ட் அதிகமாக இருக்கிறது. சிலர் ஸ்நாக்ஸ் நேரத்தில் உலர் திராட்சையை சாப்பிடுவார்கள். சிலர் காலை வெறும் வயிற்றில் ஊறவைத்த உலர் திராட்சையை சாப்பிடுவார்கள். இந்த இரண்டில் எப்படி எடுத்துக் கொண்டாலும் சரி அதனால் என்ன நன்மைகள் கிடைக்கும், யார் எடுத்துக் கொள்ளலாம், யார் தவிர்க்க வேண்டும் போன்ற விஷயங்களை தெரிந்து வைத்துக் கொள்ள வேண்டியது அவசியம்.
நம் உடலின் செயல்பாடுகளுக்கு குடல் ஆரோக்கியம் சீராக இருக்க வேண்டியது முக்கியம். அந்த குடலை ஆரோக்கியமாக வைத்து, ஜீரண மண்டலத்தின் செயல்பாட்டை துரிதப்படுத்த இந்த உலர் திராட்சை உதவி செய்யும்
உலர் திராட்சையில் நிறைய ஆற்றல் மிகுந்த ஆன்ட்டி ஆக்சிடன்ட்களும் நார்ச்சத்தும் பிற மினரல்களும் அதிகமாக இருக்கின்றன. இவை குடல் ஆரோக்கியத்தை பாதுகாக்கும்.
சிலர் என்ன சாப்பிட்டாலும் உடல் தேறாமல் நோஞ்சானாகவே இருப்பார்கள். அவர்கள் எப்படியாவது உடல் எடையை அதிகரிக்க வேண்டும் என்று ஜங்க் உணவுகள் போன்றவற்றை சாப்பிட்டு உடல் ஆரோக்கியத்தை கெடுத்துக் கொள்ளாமல் ஆரோக்கியமான முறையில் உடல் எடை அதிகரிக்க வேண்டும் என்றால் அதற்கு உலர் திராட்சை உதவி செய்யும்..
தினமும் இரவில் 20 - 25 உலர் திராட்சைகளை தண்ணீரில் போட்டு ஊற வைத்துவிட்டு காலையில் அந்த தண்ணீரைக குடித்துவிட்டு, திராட்சையைச் சாப்பிட்டு விட வேண்டும்.
உங்களுடைய ஸ்மூத்தி வகைகளில் ஊரவைத்த திராட்சையை சேர்த்துக் கொள்ளலாம். இது உடல் எடை அதிகரிக்கும் இதுவே உடல் எடையை குறைக்க நினைப்பவர்கள் உலர் திராட்சையை மிகக் குறைவாக எடுத்துக்கொள்ளுங்கள்.
உடல் பலவீனமாகவோ சோர்வாகவும் இருப்பவர்கள் உடனடியாக நன்றி கிடைத்தால் இந்த உடல் வளர்ச்சியை எடுத்துக் கொள்ளலாம்.
இளநீரை போல உலர் திராட்சையும் உடனடியாக உடலுக்கு தேவையான ஆற்றலை உற்பத்தி செய்து கொடுக்கும்.
நீரிழிவு இருப்பவர்கள் எடுக்கக் கூடாது என்ற சிலர் கூறுவார்கள் ஆனால் உலர் பழங்களில் இனிப்பும் கலோரிகளும் கொஞ்சம் அதிகம்தான் நீரிழிவு பிரச்சனை உள்ளவர்கள் மிதமான அளவில் உலர் பழங்களை எடுத்துக் கொள்ளலாம் அவற்றில் உள்ள மினரல்கள் ரத்த சர்க்கரை அளவை சீராக கட்டுக்குள் வைப்பது உதவி செய்யும். அதிகமாக எடுத்துக் கொண்டால் ரத்த சர்க்கரை அளவில் ஏற்றத்தாழ்வுகள் ஏற்படும்.
உலர் திராட்சையில் இயற்கையாகவே சர்க்கரை அதிகமாக இருக்கிறது. அதனால் லோ சுகர் பிரச்சனை உள்ளவர்கள் அவ்வப்போது இந்த உலர் திராட்சையை எடுத்துக் கொள்ளலாம்.
ஆனால் #நீரிழிவு பிரச்சனை இருப்பவர்கள் இந்த உலர் திராட்சையை மிகக் குறைவான அளவில் எடுத்துக் கொள்ள வேண்டும்
நம்முடைய உடலின் இயக்கத்திற்கும் ஜீரண மண்டலம் சீராக செயல்படவும் குடல் இயக்கம் மேம்படவும் நார்ச்சத்து மிக மிக அவசியம் அதனால் தான் நம் உணவு தட்டில் பாதியளவு நார்ச்சத்து நிறைந்த உணவுகள் இருக்க வேண்டும் என்று மருத்துவர்கள் அறிவுறுத்துகிறார்கள்.
உலர் திராட்சையில் நார்ச்சத்துக்கள் ள் மிக அதிகம். அதனால் ஜீரணம் சீராக நடக்கும். மலச்சிக்கல் உள்ளிட்ட பிரச்சனைகள் ஏற்படாமல் தடுக்க முடியும்.
உலர் திராட்சை பழங்கள் கலோரிகள் அதிகம் கொண்ட உணவாகும். இதை தொடர்ச்சியாக எடுத்துக் கொள்ளும் போது உடல் எடை அதிகரிக்கும் வாய்ப்பு உண்டு.
ஏற்கனவே உடல் பருமன்மற்றும் அதிக உடல் எடையுடன் இருப்பவராக இருந்தால் உலர் திராட்சை எடுத்துக் கொள்ளும் அளவை குறைப்பது நல்லது.
வயிற்று கோளாறுகள் உள்ளவர்கள் சல்பைடு நிறைந்த உணவுகளை அதிகமாக எடுத்துக் கொள்ள கூடாது..
அதனாலும் உலர் திராட்சையைத் தவிர்க்க வேண்டும். ஏனெனில் உலர் திராட்சையை பதப்படுத்த சல்பைடு அதிகமாக சேர்க்கப் படுகிறது.
அதனால் வாய்வுத் தொல்லை வயிற்றுப் பொருமல், அடிக்கடி மலம் கழிப்பது வயிற்றுப்போக்கு ஏற்படுபவர்கள், வயது முதிர்ந்தவர்கள், உடல் சார்ந்த பிரச்சனை இருப்பவர்கள் மருத்துவர் ஆலோசனை இல்லாமல் எடுக்கக் கூடாது.
No comments:
Post a Comment